أفرح ولا تأجل فرحتك لبعدين..

 (انت تختار تفرح ولا تأجل فرحتك لبعدين) 

في عام 2020 عام العزلة عن العالم الخارجي

مضت اشهر على قرار منع التجول ومنع التجمعات

فقدنا فيها أشياء كثيرة، طلعات، جمعات، 

حتى المشوار القصير للبقالة صار ممنوع في هذيك الفترة،

توقعنا ما راح يجي رمضان إلا والحياة رجعت كما كانت

ولكن الصدمة ان مصّلانا صار في بيوتنا 

وقررنا نرضى بالأمر الواقع ونفرش السجاجيد 

ونرفع الإقامة بـ صلاة القيام اثابكم الله ✨❤️

كنا نحط امل انه بكرة غير وبكرة ترجع الحياة

 قررنا أيش بنلبس اول يوم عيد من باب انه راح يختفي كورونا 🙄

و بنروح لبيت امي مثل كل عيد

ولكن لسان حال كورونا يقول : هيهات هيهات 🙆🏻‍♀️

كنا للظروف بالمرصاد .. رغم منع التجول ورغم منع التجمع 

قررنا نحتفل بالعيد غير عن أعياد السنين الي مضت

سهرنا ليلة العيد على التكبيرات ونفخ البلالين وتزيين المجلس 😍

ليه اكتب هالكلام رغم انه مر على العيد اكثر من سبعة شهور.. 

لان جلست اقلب صور ومقاطع الذكريات 

وشفت قد أيش الذكريات الحلوة الي انت تجتهد وتصنعها بنفسك 

تخليك تبتسم بعدين

وان قرارك بيدك وانت الي تختار تفرح الان رغم الظروف 

ولا تأجل فرحتك لبعدين!!! 

اشوف صور إستهبال اخوي وولدي يوم كنت بعصب عليهم عشان التقط لهم صور مرتبه

وبعدين استوعبت ان الدنيا عيد ليه النكد

خليتهم يسمحون لي بصورتين مرتبه

وتركتهم يطلقون العنان للصور العفوية الي كلها إستهبال..

الي خلتني اصورهم وانا اضحك 

و خلتني اضحك اليوم على أشكالهم بالصور

ما كانت أيام سهله على أي شخص عاش سنه 2020

كلنا واجهنا نفس الخطر 

ولكن مو كلنا قررنا نفس القرار 

بـ كيف نعيش رغم صعوبة الظروف ؟

اليوم بعد انتهاء فترة الحجر رغم وجود المرض الله يرفعه عنا..

أقول اصنع لك بسمه في كل شدة ولا تنتظر أيام الرخاء

اصنع البسمة لو كانت صغيره راح تصنع لك سعادة كبيرة

بالمستقبل لما تلتفت للماضي وتقول..

الحمد لله اني ما أجلت سعادتي رغم الظروف الصعبة

واستمتعت بالقليل الموجود ❤️

شروق عبدالله | 23 يناير 2021..

صور من يوم عيد الفطر لعام 2020